| 
2016.12.20

過節啱食!$68 任食盆菜 + 火鍋

過節啱食!$68 任食盆菜 + 火鍋

呢個香港,仲有乜嘢唔可以搞放題?但呢個放題真係好爆,盆菜 + 火鍋一齊食,120 分鐘可以無限量添加盆菜配料,食完個盆菜仲未飽到上心口?仲可以打埋邊爐,22 款火鍋配料任食任追加,大胃王或想增肥嘅朋友,嚟挑戰啦!

邊間餐廳用咁 crazy?原來係早幾個月大搞 $68 大閘蟹放題嘅「上海新大眾」!$68 盆菜 x 火鍋放題由 12 月 23 日開始,於黃大仙及土瓜灣分店供應。每間分店每日都有 30 個名額,可以用平到笑嘅 $68 享用 120 分鐘任飲任食盆菜 x 火鍋放題。$68 嘅盆菜用料絕唔馬虎,最基本嘅盆菜有齊,有 18 款,包括日本宗谷碎貝、紅炆腩肉、農家走地雞、蠔汁扣鴨掌、明爐燒鴨、豬手、蠔皇炆冬菇、蠔豉等。

Page 1 of 5
 |